光希 – 酷愛東瀛文化，卻偏偏最憎日本紫菜；為人八卦，主攻JPOP，最愛日式電視汁撈飯，晨早日本新聞做早餐、晏晝咬住筷子煲日劇，夜晚爆笑綜藝節目陪住歡樂今宵！日子有功，舊人事、新面孔、好嘢、衰嘢……收埋收埋，唔講唔舒服！
* * *
今季日劇不乏話題作，除了松嶋菜菜子的《家政婦三田》夠激越播越旺，木村拓哉主演的TBS電視台台慶劇《南極大陸》亦備受劇迷注目。《南》劇揼本20億日元製作，遠赴南極取景，可惜出街後，雷聲大雨點小，除了首集錄得超過20%收視外，其後收視猶如食瀉藥，第5集已跌至15.8%，令人擔心木村再步前作《月之戀人》後塵收視仆直。
木村拓哉自《悠長假期》、《戀愛世紀》創下高收視後，10多年來一直坐穩日劇收視天王之位。然而，近年被指人氣急跌的木村，雖然積極接拍不同類型劇集轉型，但次次都吃力不討好。07年接拍《華麗一族》被批評演技不及一班老戲骨，去年重行舊路，演出拿手的愛情劇《月之戀人》，又被嫌棄年紀大談情唔吸引。
今次《南極大陸》，雖然有齊綾瀨遙、蘆田愛菜等群星拱照，但收視卻未如理想。先說木村外型太過現代，其講對白語氣亦似時下年青人經常遭人詬病，但偏偏劇集內容以昭和時代做背景，令兩者格格不入，也吸引不到年輕一代的觀眾收看，而圍繞雪橇犬與南極探險的故事，亦似乎太遠離群眾生活，難怪收視會被以揭露日本家庭問題的《家政婦三田》爬頭，更慘是就連師弟龜梨和也的《妖怪人間》及櫻井翔的《推理要在晚餐後》都不如，看來木村今次認真有排頭痛。
.
木村拓哉是我喜爱的艺人， 見到這个收市率， 希望木村拓哉加油， 后來居上。
